Amigos e amigas dos xogos tradicionais e do deporte popular, estamos de noraboa! Baixo este logo tan colorido, agóchase unha iniciativa pioneira no noso país: unha guía de recursos do patrimonio lúdico galego para que todas e todos a poidades consultar. Moitos colectivos e asociacións forman parte deste movemento. Deixámosvos a ligazón para que lle  botedes unha ollada.

      

Xa estamos a traballar arreo na edición deste ano 2016, 

a cal desenvolverase o sábado 4 de xuño en xornada de

mañá e tarde no lugar habitual: o Recinto Feiral “Manuel 

Vila López”.

É de salientar que nesta ocasión 

acolleremos a celebración do “X 

Encontro Escolar de Xogos 

Tradicionais”, que co-organizamos 

con 

Brinquedia Rede Galega do Xogo 

Tradicional.

Polo tanto, durante as actividades da mañá primarán os

xogos dirixidos á rapazada, aínda que tamén haberá outro 

tipo de actividades.

Xa pola tarde atoparedes un amplo abano de propostas 

dirixidas a tódalas idades e intereses.

Atopámonos pechando o programa definitivo, o cal 

publicaremos tan pronto como teñamos confirmación dos 

diferentes asistentes.

Ide preparando as ganas de xogar e enredar!

Un ano mais agardámosvos a todas e a todos en Muimenta o domingo 7 de xuño para celebrar a nosa sétima cita co xogo popular e o deporte tradicional. Achegádevos a Muimenta para disfrutar dunha xornada de ocio sen custe algún para toda a familia, e descubre todo o potencial dos xogos tradicionais.

Se queres tamén podes quedarte a xantar con nós, para non ter que preocuparte de nada durante todo o día. Podes facer a túa reserva no 982-52-80-17.

Anímate e achégate a Muimenta!!

XOGUETES NATURAIS. ARGALLADAS DOS PICAROS

Dende Xotramu queremos facervos unha suxestión de lectura para este verán. Este libro-caderno de campo foi presentado ao público na nosa festa do 1 de xuño. Xosé  López González e José García Fernández asinan este perfecto manual para fabricar pequenas argalladas con materiais propios da temporada na que estamos. É un libro para consultar e para facer. Animádevos e se sodes capaces de constuir algunha enviadenos unha fotografía!!!

VI FESTA XOTRAMU 

Este é o espíritu que nos move.

Aínda a risco de pecar de pouco orixinais: Unha imaxe vale mais ca mil palabras. Nesta instantánea captamos os nosos obxectivos e as nosas ganas de transmitir ás novas xeracións unha herdanza tan importante como é a de medrar xogando. Móvete polo noso blog e verás todo o que estamos a facer para recuperar o noso patrimonio lúdico tradicional. Navega e disfruta!

Animada carreira de burros na nova edición da Feira do Entroido en Muimenta. Os veciños e veciñas da vila e arredores escacharon coa risa, mentras os esforzados xinetes loitaban coas súas cabalgaduras. Toda unha antroidada!!!

(O lorcho)

Todas as persoas están sentadas en círculo, agás unha que dará voltas ao seu redor, levando un “cinto” (periódico dobrado) na súa man. Cando queira deixarao detrás dalguén e correrá para dar tres voltas completas e sentarse no sitio que quedou libre, procurando non levar golpes no cu co “cinto”. Unha vez que se empeza a correr nunha dirección non se pode variar.

(Turra-Soga)

A finalidade deste xogo é a de turrar máis que o equipo contrario. Para xogar fanse dous equipos do mesmo número de xogadores/as. Trázanse 3 liñas no chan; unha central e as outras dúas á mesma distancia. Márcase cun pano o centro da corda. Sitúanse os equipos a ambos lados da corda deixando o pano aliñado coa raia central pintada no chan. Cando a xuíza ou o xuíz o indique, turrarán da corda ata que o pano pase a raia situada máis preto do seu equipo.

Poderán xogar a pés quietos todos os participantes que o desexen, sendo necesario unicamente empregar unha pelota.

Un dos xogadores, ó chou, é o que queda. Colócase no centro e lanza a pelota ó tempo que di o nome dun xogador. A persoa nomeada recóllea o máis axiña que pode e os demais escapan. Cando a colle berra: “pés quietos” e os demais fican parados no sitio.

O xogador que ten a pelota dá tres saltos cara a un dos xogadores e lánzalle a pelota. Se lle dá, xa ten unha falta; se non lle dá, a falta é para o lanzador. Elimínase un xogador en canto ten tres faltas.

O xogo continúa ata que queda unha única persoa.

É un xogo no que dúas persoas se agarran polas mans e forman unha especie de ponte; por debaixo dela debe pasar o resto dos/das que xogan, que estarán en fila. Á vez que se pasa hai que cantar o recitado abaixo indicado. Cando o recitado remate, a persoa que estea debaixo dos brazos quedará atrapada; aqueles/as que facían de ponte daranlle a escoller entre dúas palabras que previamente xa se tiñan adxudicado. Quen quede atrapado/a escollerá unha desas palabras e colocarase detrás da persoa que a elixira.

O xogo continuará e ao final haberá dous equipos, un fronte ao outro; as dúas persoas que facían de ponte agarraranse polas mans e turrarán cara ao seu lado, para facer que as do outro equipo tranpasen unha raia.