22.7.14
XOGUETES NATURAIS. ARGALLADAS DOS PICAROS
Dende Xotramu queremos facervos unha suxestión de lectura para este verán. Este libro-caderno de campo foi presentado ao público na nosa festa do 1 de xuño. Xosé López González e José García Fernández asinan este perfecto manual para fabricar pequenas argalladas con materiais propios da temporada na que estamos. É un libro para consultar e para facer. Animádevos e se sodes capaces de constuir algunha enviadenos unha fotografía!!!
VI FESTA XOTRAMU
Este ano o primeiro de xuño non nos imos adicar a ir a vervos a onde nos chamedes. O vindeiro 1 de xuño agardámosvos en Muimenta, no noso recinto feiral para a nosa "posta de largo" anual. Aquí amosarémosvos todo o que fixemos este ano na recollida, restauración e incluso na construción de novos enredos e xogos. Ademais coma sempre, poderedes participar e xogar de balde en todos os postos da festa.
Dámosvos a posibilidade de compartir con nós o xantar, para iso tedes que reservar no teléfono 982528017. O menú terá un prezo de 11 € e constará de:
- Ensalada de pasta
- Tenreira con verduriñas e patacas
- Froita
- Viño, auga e café
