PostHeaderIcon As bólas







Adaptaremos as variedades existentes deste xogo ás idades dos/as participantes:
  • As persoas máis novas poden xogar a ver quen deixa a bóla máis cerca dunha raia (o xogo irá a dez puntos, conseguindo un punto quen quede máis cerca e dous se queda enriba da raia).
  • As medianas en idade xogarán a ver quen dá tres veces na bóla dalgunha compañeira ou compañeiro (cando a alguén lle ocorra iso quedará eliminado/a).
  • As persoas maiores poden xogar a botar fóra dun círculo grande as bólas dos/das demais (quen vai fóra ou a quen boten fóra quedará eliminado/a ata que remate o xogo).

PostHeaderIcon Arrincar cebolas








Este é un xogo que serve para coñecer o corpo e perderlle o medo ó contacto físico. A él poden xogar tódalas persoas que o desexen.

Para xogar, unha persoa séntase no chan apoiada nunha parede coas pernas abertas e, diante dela, van sentando máis persoas na mesma posición, agarrándose con forza pola cintura: son “as capas da cebola”. O xogador, de pé, colle das mans ó primeiro da fila e tira del para intentar “arrincalo”; cando o consegue, o “arrincado” sitúase detrás del, agarrándoo á súa vez pola cintura e axúdalle a tirar do seguinte, así ata que os arrinquen a todos.

PostHeaderIcon A zoadeira






(Dálle que dálle)

Utilizando un botón, haberá que pasar un cordón polos furadiños e atar os dous extremos para que o botón quede preso. Para probar se funciona, débese coller con dous dedos os extremos e darlle unhas voltas ao botón, que comezará a xirar e zoar sen parar.

XOTRAMU

Benvido ao blog de Xogos tradicionais Muimenta.

Aquí poderás atopar información de todas as actividades que dende XOTRAMU estamos a desenvolver para recuperar os xogos tradicionais dos nosos pais, nais, avós, etc. e que tantos momentos de ledicia nos fixeron pasar cando éramos nenos.

Séguenos tamen aquí

Subscríbete ao noso blog

Recibe as novas de Xotramu por correo eléctronico:

Visitas do blog